За време на Втората Светска Војна САД ја помогнаа Русија со многу различни оружја. Камиони, џипови, воени и карго авиони - многу различна опрема беше испратена во Русија. На повеќе следат уникатни и ретки фотографии од Втората Светска Војна направени од руски војник кој учествувал во овие мисии преку кои се остварувала оваа помош.

Тој бил пилот и неговата ескадрила земала авиони од САД и ги пренесувала во Русија. Според приказните кажани на неговиот син, многу од руските војници биле изненадени и импресионирани од општеството во САД во тоа време, но сите биле огромни патриоти кои искрено сакале да и помогнат на својата земја и никој од нив не пребегал во САД.

Најчесто биле транспортирани B-25 тешки бомбардери и P-53 "King Cobras" лесни борбени авиони. Интересно е што црвените звезди, типичните амблеми на Советската армија биле поставени уште во САД и како такви авионите биле прелетувани од САД до Русија. Најверојатно тоа е единственото време кога руски воени авиони биле над американското небо. Иако подоцна во Русија овие црвени звезди биле бришени бидејќи биле поставени на бели кругови, иако биле направени според стандардите на американското Воено Воздухопловство, Сталин и останатите руски команданти не се согласувале и повторно ги фарбале.

Не само воени авиони можат да се видат на овие фотографии. На една од фотографиите подолу има американски “Flying Boat Catalina” паркиран некаде во Сибир на руската река Лена, кој исто така бил техничка помош од Русија. Имало доста Willy џипови кој биле вистински хит помеѓу руските војници поради нивната издржливост и интересен надворешен изглед. По завршувањето на војната многу од војниците изразиле желба да ги зачуваат и земат расходаните и употребливите џипови, но според договорите помеѓу САД и Русија, сета воена помош морала или да биде вратена назад во САД или уништена во Русија. Сведоци помеѓу руската армија кажуваат дека илјадници џипови биле испратени во Мурманск и други руски пристаништа каде биле уништени со огромни челични преси и биле претворени во бескорисни железни плочи - под надзор на американски набљудувачи.