По неколку финансиски одложувања, Sikorsky Aircraft и Министерството за Одбрана на Турција потпишаа конечен договор за набавка на 17 S-70B Seahawk морнарички хеликоптери кои ќе бидат испорачани по 2009 година. 

Со овој договор Турција ќе ја зголеми сегашната флота на ова летало од 7 на 24 летала за Турската морнарица во 2009.

S-70B е интернационална верзија на американскиот Navy SH-60B Seahawk.

Фамилијата хеликоптери S-70 е развиена да ги задоволи потребите на американската војска во обидот да ја замени почитуваната фамилија UH-1 Iroquois на летала со среден капацитет на носење во 1972 година. Три прототипа беа изградени, од кои S-70 беше избран за производство и влезе во употреба како UH-60A Black Hawk во американската армија во 1979 година. Во доцните 1980ти моделот беше надграден во UH-60L хеликоптер со поголем моќ и General Electric мотори.